Britania posromana

Los sieglos V y VI de la historia de Gran Bretaña fueron denominaos como la «Edá Escura» porque ye verdaderamente bien pocu lo que se sabe d'esi periodu históricu. El so calter escuru ye sicasí verdaderamente crucial na formación de les naciones britániques, porque ye'l momentu nel que s'asoceden en pocos años dos fechos radicales: l'abandonu romanu de la islla y la invasión de los anglos, xutos y saxones. El periodu conclúi con una supremacía absoluta de lo anglosaxono, un retrocesu imparable de lo celta y una desapaición de lo llatino. La escasez de fontes históriques sirvió de sacalliñu pa dexar volar la imaxinación pa estos sieglos, escenariu temporal del ciclu artúrico.